Bakea, justizia eta erakunde sendoen aldeko 16. GJHaren irudia, kausa zehatz batekin konprometitu gabe, unibertsitatearen irudia garbitzeko modu bat da. Gatazkan dagoen alderdietako baten alde egitea saihesteko modu bat da, Palestinan gertatzen diren giza eskubideen urraketak eta biztanleria zibilaren sufrimendua mespretxatuz.
UPV/EHUren webgunean argitara eman duten bakearen aldeko adierazpenak ez du onartzen lurralde palestinarrak legez kanpo okupatzeko, Gaza blokeatzeko, kokalekuak eraikitzeko, indarra neurriz kanpo erabiltzeko eta herri palestinarraren autodeterminazio-eskubidea ukatzeko Israelek erantzukizuna duenik. Hau da, edukirik gabeko adierazpen generikoa da.
UPV/EHUko zuzendaritzaren jarrera ez dator bat Errusiaren inbasioaren ondoren Ukrainarekin izan zuen jarrerarekin, eta horrek hipokrisia eta koherentzia falta erakusten du. Unibertsitateak elkartasuna adierazi bazion Ukrainari bere subiranotasuna eta lurralde-osotasuna kanpoko eraso baten aurrean defendatzeagatik, zergatik ez du gauza bera egiten Palestinarekin, azken hamarkadetan antzeko egoera jasan baitu?
Web orrian Palestinako herriaren aldeko banner bat sartzeko eskaera ez da eskaera politikoa, humanitarioa baizik.
Kontua ez da gobernu edo erakunde bat babestea, injustizia historiko baten biktimekiko enpatia eta errukia erakustea baizik. Unibertsitateak, erakunde publikoa eta balio demokratikoekin konprometitua den aldetik, munduan gertatzen diren zapalkuntza eta indarkeria egoerak salatu behar ditu, eta bere ikasleak giza eskubideen eta aniztasunaren errespetuan hezi behar ditu.
