Babes dezagun geure osasuna

Ziur aski gogoratuko duzuenez, orain dela egun batzuk komunikatu bat bidali genuen gure osasuna lan-eremuan babesteko gomendio batzuekin. Azken egunetan ezagutu ditugun datuek arrazoia eman digute. Osasunerako Mundu Erakundea kobidaren aire-transmisioaren garrantzia aitortzen hasi da (aerosolen bitartez), eta horrek erabat aldatu behar ditu protokoloak eta birusetik babesteko modua. Maskara, distantzia eta eskuen higienea erabiltzeaz gain, are gehiago indartu behar da  espazio itxien aireztapena, edo HEPA iragazkiak erabiltzea hori ezinezkoa denean (beheko argazkia ikusi).

Gero eta nabariagoa da birusaren hedapenean superkutsatze-gertaerek duten garrantzia, eta horrek pentsarazten digu jende asko biltzen den gune itxietan, hala nola ikastetxeetan, unibertsitateetan edo garraio publikoan, arreta-neurriak zorroztu beharko liratekeela. Are gehiago, Espainiako Gobernuak berak, urriaren 25eko alarma-egoerari buruzko dekretuan (batez ere familia- eta gizarte-arloko covid agerraldiak kontrolatzera bideratua), adierazten duenean azken horiek gertatutako kasuen % 25 inguru baino ez direla.

Egoera hau dela eta, CGT-LKNk EHUn duen atal sindikalak berriz ere honako hau eskatzen dio administrazioari:

1.- Ikasgelak eta lan-eremuak aireztatzeko ebidentzia berriekin bat datozen derrigorrezko protokoloak ezartzea, HEPA H13 iragazkiak dituzten aire-garbikariak eskuratzea barne, beharrezkoa denean (aipatu behar dugu langile batzuek beren lantokietan instalatzeko erosi dituztela).

2.- UPV/EHUren protokoloa betetzea, maskara erabiltzearen derrigortasunari dagokionez, eta ondo doitzearen garrantzia azpimarratzea

3.- AZP eta IIPko kideei norbera babesteko ekipoa ematea (FFP2 maskarak)

4.- Telelana indartzea, ahal den kasuetan

5.- PCR analisia egiteko proposamena, covid arduradunak egina, positibo batekin edozein denbora-zatiz leku itxi batean egon diren guztiei, betiere FFP2 maskara eraman ez badute.

6.- Betearaz ditzala indarrean dauden Covid-19 pandemiarekin lotutako araudiak.